Prej një periudhe disamujore në laboratorin e Qendrës së Studimit dhe Restaurimit të Ikonave ka përfunduar restaurimi i ikonës “Shën Mariu me Krishtin në fron”. Ikona është e vitit 1814, është me preardhje nga kisha e Shën Marisë në Lubonjë të Korçës.
Ikona është pjesë e studimit, bashkëpunimit dhe marrëveshjes midis Muzeut Kombëtar të Artit Mesjetar dhe Universitetit Politeknik, Tiranë në kuadër të projektit “Hartografimi dhe dokumentimi i zonave Arkeologjike, Lubonjë, Korçë”.
Ikona është një nga 7 ikonat që aktualisht janë në proçes konsolidimi dhe restaurimi.
Pjesë e punës së pa lodhur nga specialistet e laboratorit të restaurimit në MKAM Korçë, të cilët me përkushtim shpëtojnë çdo ditë thesaret e trashëgimisë sonë kulturore.
Ikona kishte disa dëmtime të cilat rrezikonin degradimin e veprës duke mos bërë të mundur për më tepër leximin e qartë dhe të plotë të skenës ikonografike të realizuar me një fryme artistike shume ekspresive nga autori.
Pas ndërhyrjes restauruese u arrit rezultati i dëshiruar, duke parandaluar degradimin e saj dhe duke nxjerrë në dukje ngjyrat e ikonës, freskinë dhe madhështinë e veprës.
Ikona spikat sigurisht për dinamikën shprehëse të skenës gati apokaliptike në gjysmën e poshtme si dhe dominimin e së kuqes dhe kontrastet e përdorura.
