Rruga e kodrave të qytetit të Korçës, që fillon nga Kisha e Shën Thanasit e ngjitet deri në rrëzë të Moravës, është një prej shëtitoreve më të frekuentuara nga qytetarët në çdo stinë.
E zhveshur nga gjelbërimi, ashtu si edhe pjesa më e madhe e kodrave, mbetet e ekspozuar ndaj diellit të fortë të verës dhe erërave të dimrit. Por një grup i madh qytetarësh, me kontributet e tyre vetjake, kanë marrë përsipër pyllëzimin dhe zbukurimin urban të të gjithë kësaj shëtitoreje.
Kjo zonë do të pyllëzohet me bli, rrap, mështekna, panjë, gështenja, mollë e qershi të egra, akacie dhe specie të tjera të përshtatshme me vendin, mikroklimën dhe panoramën që synohet të krijohet.
Fidanët e pemëve janë zgjedhur të rritur nga 4-6 vjeçarë me lartësi midis 3,5-4,5m, në mënyrë që efekti pyllëzues dhe zbukurues të mund të arrihet që këtë pranverë, njëkohësisht duke minimizuar rrezikun e dëmtimeve të mundëshme. Konomi ka edhe një thirrje për qytetarët.
Projekti pritet të finalizohet fundjavën e ardhshme, ndërsa mendohet që të kryhet edhe ndriçimi i të gjithë segmentit rrugor.
