Në Universitetin “Fan S. Noli” në Korçë po vijon me intensitet puna për ndërtimin e Polit të Dijes, një infrastrukturë e re që pritet ta çojë këtë institucion në një nivel më të lartë akademik dhe shkencor.
Ky projekt synon të sjellë programe inovative në bashkëpunim me partnerë ndërkombëtarë, të afrojë pedagogë nga diaspora dhe të krijojë qendra kërkimore shkencore në bashkëpunim me sipërmarrjen, duke u fokusuar në fusha me rëndësi për zhvillimin e rajonit.
Sipas ministrit Niko Peleshi, shenjat e para të këtij drejtimi të ri janë shumë pozitive, duke konfirmuar ambicien për ta bërë Universitetin e Korçës një qendër të rëndësishme akademike dhe kërkimore.
E ardhmja e Universitetit është e ardhmja e Korçës!
Postimi i Niko Peleshit
Vazhdon me intensitet puna për ndërtimin e Polit të Dijes-një infrastrukuturë që do ta çojë Universitetin Fan S. Noli në një nivel të ri.
Programet e përbashkëta inovative me partnerë ndërkombëtarë, afrimi i pedagogëve nga diaspora, ngritja e qendrave të kërkimit shkencor në bashkëpunim me sipërmarrjen në fusha me interes për zhvillimin, tashmë janë në planin e ri të punës së Univeristetit tonë.
Shenjat e para të drejtimit të ri të Universitetit janë shumë pozitive.
E ardhmja e Universitetit është e ardhmja e Korçës.
