Dy shtetas janë proceduar penalisht në Bilisht nga specialistët për Hetimin e Krimeve Ekonomike të DVP Korçë, të dyshuar për evazion fiskal.
Gjatë një kontrolli të ushtruar në një kamion të drejtuar nga shtetasi U. L., 57 vjeç, me mallra në pronësi të shtetasit G. Xh., 69 vjeç, policia konstatoi një sasi më të madhe aksesorësh për mobilieri sesa ajo e deklaruar në faturat tatimore përkatëse.
Strukturat e policisë bëjnë me dije se hetimet vijojnë, ndërsa theksojnë se do të ketë kontrolle të vazhdueshme në funksion të parandalimit të abuzimeve me dokumentacionin fiskal dhe mbrojtjes së tregtisë së ndershme.
Policia apelon për respektim të detyrimeve fiskale dhe transparencë në aktivitetin tregtar.
