Edhe gjatë ditës së sotme ka vijuar aksioni për prishjen e ndërtimeve të paligjshme që cenojnë hapësirat publike në qytetin e Korçës.
Aksioni është përqendruar në lagjet periferike të qytetit dhe do të vijojë edhe në ditët në vijim. Gjatë këtyre dy ditëve, janë shembur kryesisht rrethime të banesave dhe bizneseve që kanë zaptuar hapësira publike.
Burime pranë Bashkisë së Korçës bëjnë me dije se ndërhyrjet do të shtrihen edhe në lagjet kryesore të qytetit. Ndërkohë, IKMT ka njoftuar bizneset përgjatë aksit nacional Korçë – Pogradec të largojnë ndërtimet që ndodhen më pak se 6 metra nga karrexhata.
Ky aksion synon rikthimin e hapësirave të përbashkëta në funksion të qytetarëve.
