Banorët e Maliqit po përballen me kufizime të furnizimit me ujë të pijshëm, sidomos në orët e pasdites, për shkak të thatësirës së javëve të fundit dhe temperaturave të larta që kanë karakterizuar këtë verë.
Situata e krijuar ka bërë që burimet ujore të bien ndjeshëm në nivel, duke pamundësuar furnizimin e pandërprerë për të gjithë konsumatorët. Për pasojë, furnizimi me ujë është ndërprerë për disa orë gjatë pasdites në disa lagje të qytetit.
Autoritetet lokale bëjnë apel për kursim dhe përdorim racional të ujit të pijshëm, ndërsa theksojnë se situata po monitorohet dhe do të rikthehet normaliteti sapo të krijohen kushtet e duhura.
