Specialistët për Hetimin e Krimeve në Drejtorinë Vendore të Policisë Korçë kanë referuar materialet në Prokurori dhe kanë nisur procedimin penal ndaj shtetasit E. Ç., 46 vjeç, banues në fshatin Arrëz.
Ky shtetas u kap nga shërbimet e policisë teksa transportonte me një mjet bujqësor (zetor) një sasi lënde drusore, e dyshuar e prerë në mënyrë të kundërligjshme. Lënda drusore, së bashku me mjetin e përdorur për transportin, u sekuestruan në cilësinë e provës materiale.
Policia e Korçës vijon kontrollet për parandalimin dhe goditjen e rasteve të shfrytëzimit të paligjshëm të pyjeve, duke apeluar për denoncimin e çdo veprimtarie të tillë.
