Menjëherë pas njoftimit për një konflikt në lagjen nr. 16, shërbimet e Komisariatit të Policisë Korçë shkuan në vendngjarje, ku nga veprimet e shpejta hetimore dhe operacionale u bë e mundur identifikimi dhe kapja e autorëve.
Si rezultat:
- U arrestuan shtetasit V. F., 24 vjeç dhe Th. V., 24 vjeç, të dy banues në fshatin Polenë;
- U proceduan penalisht në gjendje të lirë shtetasit Th. V., 32 vjeç, banues në fshatin Polenë, A. Xh., 23 vjeç, banues në fshatin Bulgarec, dhe J. O., 24 vjeç, banues në fshatin Rëmbec, për veprën penale “Plagosja e rëndë me dashje”, kryer në bashkëpunim;
- U procedua gjithashtu për “Moskallëzim të krimit” shtetasi Dh. M., 25 vjeç, banues në fshatin Rëmbec.
Nga hetimet e deritanishme rezulton se për motive të dobëta, të arrestuarit dhe bashkëpunëtorët e tyre kanë dhunuar 26-vjeçarin Saleh Salem, lojtar i ekipit të futbollit “Skënderbeu”, duke i shkaktuar dëmtime të rënda. Ai ndodhet nën kujdesin e mjekëve dhe jashtë rrezikut për jetën.
Materialet iu referuan Prokurorisë së Korçës për veprime të mëtejshme procedurale.
