Një tjetër investim i rëndësishëm në fushën e shëndetësisë po bëhet realitet në territorin e Bashkisë Maliq.
Në Njësinë Administrative Vreshtas, në fshatin Bregas, po ndërtohet qendra e re shëndetësore, falë financimit të Shoqatës “Gjysmëhëna e Kuqe” të Emirateve të Bashkuara Arabe.
Pas Leminotit, Novoselës, Symizit, Libonikut, Kopoles dhe Drithasit të Poshtëm, kjo është qendra e shtatë shëndetësore që po ndërtohet në kuadër të këtij programi.
Godinat janë moderne dhe të pajisura me mjetet e domosdoshme për funksionimin e personelit mjekësor, duke përmirësuar ndjeshëm aksesin në shërbimet bazë për komunitetin.
