Futbollisti i Maliqit, Mutiu Adeoye Olamilekan, është trajtuar për herë të parë në klinikën e fizioterapistes së njohur Alma Angjo, pas një shqetësimi në gjurin e djathtë që e ndjeu tri ditë më parë gjatë një seance stervitore.
Sulmuesi nigerian ka vuajtur prej gati një viti e gjysmë nga ky problem, duke u trajtuar në klinika të ndryshme, por pa arritur rezultatet e dëshiruara. Ndryshe nga më parë, pas seancave të para tek Angjo, lojtari ka treguar përmirësim dhe pritet të jetë shumë shpejt i gatshëm për trajnerin Egli Malësia.
Ky rikuperim është një lajm i rëndësishëm për Maliqin, që pret ta ketë sulmuesin në formë optimale në ndeshjet e sezonit te ri.
