Skënderbeu ka marrë vendimin final për të shitur sulmuesin e tij kryesor, Bismark Charles. Sulmuesi ganezi tashmë është transferuar te Dinamo, sipas burimeve pranë klubit kryeqytetas.
Pas bisedimeve me disa klube të Superiores dhe jashtë vendit, presidenti i Skënderbeut, Ardjan Takaj, pranoi ofertën e Dinamos, e cila kishte nevojë urgjente për sulmues pas largimit të Itodos dhe Zabërgjës.
Ky transferim pritet të ketë ndikim të madh në ecurinë e të dy ekipeve në sezonin e ri të Superiores.
