Banorët e fshatit Zemblak në Bashkinë Maliq, qarku Korçë, kanë dalë ditën e sotme në protestë për të disatën herë, duke ngritur zërin për mungesën e ujit të pijshëm në çezmat e shtëpive të tyre.
Prej më shumë se 7 vitesh ata vuajnë të njëjtin problem, pasi uji u shkon vetëm për rreth një orë në ditë, duke e bërë jetesën pothuajse të pamundur. Pavarësisht se çështja është ngritur disa herë pranë institucioneve përkatëse, banorët thonë se nuk është marrë asnjë masë konkrete.
“Nuk duan të investojnë në Zemblak, sepse është fshat me prirje të djathta,” është shprehur një prej banorëve.
Ata theksojnë se kërkesa e tyre është minimale dhe krejt elementare: furnizim i rregullt me ujë. “Është e pafalshme që në vitin 2025, një fshat në zonë fushore të vuajë për ujë të pijshëm,” shprehen protestuesit.
Të hënën banorët paralajmërojnë një tjetër protestë, ku shpresojnë që kësaj here të jenë të pranishëm edhe gazetarët e zonës
