Skënderbeu ka marrë një fitore të pastër 2-0 ndaj Ilirisë, duke vazhduar ecurinë pozitive në këtë fillim sezoni. Takimi nisi i qetë, por shumë shpejt u zhbllokua nga korçarët: në minutën e 7-të Nasr përfitoi nga një gabim i mbrojtjes mike dhe shënoi me një goditje të saktë. Sulmuesi rrezikoi përsëri pak minuta më vonë, ndërsa Iliria iu afrua golit në minutën e 29-të me Jakubun, por pjesa e parë u mbyll 1-0 për vendasit.
Në fraksionin e dytë, Skënderbeu shpërdoroi disa raste të pastra me Abubakar dhe Çuçkën, megjithatë në minutën e 72-të ishte pikërisht Çuçka ai që finalizoi një aksion model dhe vulosi rezultatin 2-0. Në minutat e mbetura të dy trajnerët kryen zëvendësime, por fitorja e bardhekuqve nuk u vu asnjëherë në dyshim.
Me këtë sukses, Skënderbeu ngjitet në kuotën e 7 pikëve, me 2 fitore dhe 1 barazim pas 3 javësh kampionat, duke u renditur në vendet e para të klasifikimit.
