Niko Peleshi ka marrë zyrtarisht detyrën e Kryetarit të Kuvendit të Shqipërisë, duke e konsideruar këtë përgjegjësi si një nder të madh dhe një sfidë të rëndësishme për vendin. Në reagimin e tij publik, Peleshi u shpreh thellësisht mirënjohës për besimin e dhënë nga Kryeministri Edi Rama dhe Partia Socialiste, duke theksuar se këtë detyrë e pranoi me përulësi dhe me vendosmëri për t’i shërbyer demokracisë dhe qytetarëve.
“Objektivi ynë i madh është #Shqipëria2030 në Bashkimin Europian, një rrugëtim që kërkon konsensus, forcim të shtetit ligjor dhe një Kuvend me standarde europiane. Para sfidave të mëdha nuk jemi shumicë apo opozitë, jemi Shqipëri”, – u shpreh Kryetari i ri i Kuvendit.
Peleshi nënvizoi se përmbushja e aspiratës europiane është sfida më e madhe për politikën shqiptare dhe se ky proces kërkon dialog, bashkëpunim dhe një parlament funksional e transparent.
