Pas pesë netëve të mbushura me kinematografi nga e gjithë bota, Korça priti me sukses edicionin e 12-të të KO:SH Film Festival, me temën “Zhvendosja”.
Në këtë edicion u shfaqën 81 filma nga 40 shtete, duke sjellë reflektime mbi një nga fenomenet më aktuale të kohës sonë.
Në ceremoninë përmbyllëse, Çmimi i Publikut iu dha filmit “The Day She Will Be Born” të regjisorit Emil Spahisky.
Risitë e këtij viti përfshinë ndarjen e garës studentore nga ajo profesionale, shtimin e kategorisë së filmit eksperimental dhe pasurimin e programit për fëmijë.
Ky edicion u vlerësua si një sukses i madh, duke e forcuar edhe më tej rolin e Korçës si qendër kulturore dhe artistike në vend.
