Në Bashkinë Maliq po shkon drejt finalizimit një nga investimet më të rëndësishme të infrastrukturës urbane: shëtitorja në segmentin Kryqëzimi Libonik – Drithas Posht. Ditën e sotme u realizua prova e parë e ndriçimit, duke i dhënë shëtitores një pamje të veçantë dhe moderne.
Ky projekt po zbatohet me bashkëfinancim mes Bashkisë Maliq dhe Fondit Shqiptar të Zhvillimit, si pjesë e vizionit për të krijuar hapësira të reja publike dhe përmirësim të cilësisë së jetesës për banorët.
Edhe pse punimet po shkojnë drejt përfundimit, procesi vijon me ritme të shpejta për të ofruar sa më shpejt këtë hapësirë funksionale e bashkëkohore për komunitetin.
