Kontrollet e intensifikuara në Pikën e Kalimit Kufitar të Kapshticës kanë çuar në kapjen e tre shtetasve që tentuan të kalonin kufirin në kundërshtim me ligjin.
Policia Kufitare bëri të ditur se është arrestuar 37-vjeçari A. T., nga Peqini, i shpallur në kërkim nga Gjykata e Elbasanit, e cila i kishte caktuar masën “Arrest në burg” për veprën penale të prodhimit dhe shitjes së narkotikëve.
Gjithashtu, është proceduar penalisht një 36-vjeçar nga Librazhdi, pasi në pasaportën e tij u gjet një vulë e dyshuar e falsifikuar, si dhe një 47-vjeçare nga Tirana, e cila u kap duke tentuar të kontrabandonte dhjetëra steka me cigare. Pasaporta e falsifikuar dhe cigaret e sekuestruara u dërguan si prova materiale, ndërsa materialet procedurale i janë referuar Prokurorisë së Korçës për veprime të mëtejshme.
