Një 54-vjeçar nga Korça është arrestuar nga policia, pasi akuzohet se ka përfituar 6300 euro nëpërmjet mashtrimit. Sipas hetimeve, ai i kishte marrë disa herë shuma parash një 53-vjeçari, duke i premtuar se do ta ndihmonte përmes njohjeve me drejtues të institucioneve shtetërore.
Ngjarja ka ndodhur përgjatë një periudhe 4-mujore, ndërsa pas kallëzimit të viktimës, specialistët për Hetimin e Krimeve Ekonomike dhe Financiare bënë të mundur prangosjen e autorit.
Materialet i janë referuar Prokurorisë së Korçës, e cila po ndjek procedurat e mëtejshme ligjore ndaj tij për veprën penale “Mashtrimi”.
