Në Bashkinë Maliq u zhvillua sot një takim me z. Josef Schober, Drejtues i Bordit të Shërbimeve të Pushtetit Lokal në komunën Traitsching të Gjermanisë, ku në qendër të bisedimeve ishte binjakëzimi mes dy institucioneve dhe shkëmbimi i eksperiencës gjermane në fusha të ndryshme të qeverisjes vendore.
Palët kanë nisur konkretizimin e parë të këtij bashkëpunimi në fushën e mbrojtjes nga zjarri, ndërsa u shprehën gatishmëri që ky bashkëpunim të zgjerohet edhe në fusha të tjera me interes të përbashkët.
Ky hap i parë shënon nisjen e një marrëdhënieje të re mes Maliqit dhe Traitsching, me synim forcimin e kapaciteteve lokale dhe ofrimin e shërbimeve më cilësore për qytetarët.
