Pastrimi i vijës bregliqenore nga algat vijon edhe sot me intensitet, pas sasisë së madhe të nxjerrë nga liqeni ditët e fundit si pasojë e motit të keq.
Punonjësit e Bashkisë Pogradec janë të angazhuar çdo ditë në pastrimin e segmentit nga ish-vilat deri në Tushemisht, ku vërehet grumbullimi më i madh i algave.
Bashkia Pogradec thekson se puna nuk do të ndalet derisa të garantohet pastrimi i plotë i bregut dhe ruajtja e kësaj pasurie të vyer natyrore.
