Në Galerinë e Artit të Pogradecit u çel ekspozita “Frymëzime Jete” e piktorit të njohur Haxhi Kastrati, e cila solli para publikut 43 vepra artistike të mbushura me emocion dhe mesazhe njerëzore.
Në hapjen e ekspozitës morën pjesë shumë artdashës, qytetarë dhe përfaqësues të pushtetit vendor, duke i dhënë ngjarjes një atmosferë të ngrohtë kulturore.
Piktori Kastrati u shpreh mirënjohës ndaj Bashkisë së Pogradecit për mbështetjen dhe mundësimin e këtij aktiviteti, ndërsa kuratori Enxhel Gegprifti theksoi se veprat janë të frymëzuara nga ngjarjet e luftës së Kosovës, duke përçuar mesazhe paqeje, qëndrese dhe humanizmi.
Ekspozita do të qëndrojë e hapur për publikun deri më 20 tetor, duke ftuar vizitorët të përjetojnë artin si një frymëzim për jetën dhe shpirtin njerëzor.
