Skuadra e basketbollit të Skënderbeut ka arritur një fitore historike ndaj Partizanit, duke triumfuar me rezultatin 87-76 në kryeqytet. Pas më shumë se 10 vitesh, korçarët rikthehen te suksesi përballë rivalëve të vjetër, në një përballje plot intensitet dhe emocione.
Ekipi bardhekuq tregoi karakter, forcë dhe besim gjatë gjithë takimit, duke mbajtur avantazhin në momentet vendimtare dhe duke marrë një fitore që vlen si shpërblim për punën dhe përkushtimin e skuadrës.
Ky rezultat konfirmon se Skënderbeu është rikthyer fuqishëm në Superligën e basketbollit shqiptar dhe synon të qëndrojë mes më të mirëve.
