Julian Shehu ishte padyshim “Lojtari i ndeshjes” në fitoren historike të Shqipërisë ndaj Serbisë. Me një notë 8.5, mesfushori shkëlqeu në çdo aspekt të lojës, duke treguar se ishte në një nivel tjetër krahasuar me kundërshtarët.
Në ajër dhe në tokë, Shehu mbizotëroi plotësisht, duke e diktuar ritmin e lojës dhe duke dhënë siguri në çdo ndërhyrje. Nëse lojtarët serbë vinin nga ekipe të njohura të Europës, atëherë Shehu të jepte ndjesinë sikur luante për Barcelonën – aq superior ishte në mesfushë.
Kjo paraqitje konfirmon rritjen e jashtëzakonshme të 25-vjeçarit, i cili sot aktivizohet në kampionatin polak, por që vetëm tre vite më parë luante me Laçin në Superligën shqiptare.
Një histori frymëzuese që tregon se me punë, përkushtim dhe karakter, mund të mbërrish në majat e futbollit europian.
