Në fshatin Drithas Posht, Njësia Administrative Libonik, ka nisur ndërtimi i fushës sportive, një investim që synon t’i japë zonës një hapësirë të re për zhvillimin e aktiviteteve sportive dhe komunitare.
Aktualisht po punohet për nivelimin dhe përgatitjen e tokës, si fazë e parë e ndërtimit të terrenit. Punimet përfshijnë sistemimin e sipërfaqes dhe përgatitjen për mbjelljen e barit, që do të krijojë kushtet e nevojshme për një fushë moderne dhe funksionale.
Ky projekt pritet të ndikojë ndjeshëm në jetën sociale dhe sportive të komunitetit, duke u dhënë të rinjve dhe sportdashësve të zonës një ambient të përshtatshëm për stërvitje, ndeshje dhe veprimtari të ndryshme rekreative.
