Evidentohen 6 raste të shfrytëzimit të hapësirave publike ose private, për aktivitete ekonomike (vendparkime/lavazh për mjete) të paregjistruara.
Vihen në hetim 6 autorët e paligjshmërive.
Gjatë kontrolleve dhe verifikimeve, me objektiv evidentimin dhe ndëshkimin e rasteve të zënies dhe shfrytëzimit të hapësirave publike, në kundërshtim me ligjin, shërbimet e komisariateve të Policisë Korçë dhe Pogradec konstatuan 6 raste të tilla.
Në vijim të veprimeve procedurale për rastet, specialistët për Hetimin e Krimeve Ekonomiko-Financiare referuan materialet në Prokurori, ku nisi procedimi penal për të 6 këta shtetas.
Nga verifikimet rezultoi se ata i shfrytëzonin 6 hapësirat, në 4 raste publike dhe në 2 raste private, për aktivitete ekonomike (5 raste vendparkime mjetesh dhe 1 rast lavazh për mjete), pa u regjistruar në organet tatimore.
Materialet procedurale për këto raste iu referuan Prokurorisë së Korçë, për veprime të mëtejshme, për veprat penale “Mospagimi i taksave dhe tatimeve”, “Fshehja e të ardhurave” dhe “Punësimi i paligjshëm”.
