Skuadra U19 e Skënderbeut do të zbresë sot në fushë në orën 14:00, në transfertë ndaj Aston Villës, për ndeshjen e kthimit të “UEFA Youth League”. Bardhekuqtë e rinj kanë përpara një duel prestigjioz, ku mund të shkruajnë një faqe të artë për futbollin shqiptar të moshave.
Ekipi është i shoqëruar nga drejtuesit e klubit, përfshirë presidentin Ardjan Takaj, i cili ka udhëtuar për të qenë pranë skuadrës në këtë sfidë të veçantë dhe për të mbështetur nga afër këtë brez premtues futbollistësh.
Pas barazimit 1-1 në Korçë, gjithçka mbetet e hapur dhe emocionet janë maksimale. Kalimi i këtij turi do të përbënte suksesin më të madh europian të një ekipi shqiptar U19, duke hyrë në historinë e futbollit të të rinjve në vend.
Sot, bardhekuqtë e vegjël jo vetëm luajnë për klubin e tyre dhe qytetin, por edhe për ëndrrën e një brezi të tërë futbollistësh shqiptarë.
