Një lokal në lagjen nr. 16 të qytetit të Korçës është zbuluar duke u përdorur për organizimin e lojërave të fatit në kundërshtim me ligjin.
Si rezultat i kontrollit të ushtruar nga shërbimet e Komisariatit të Policisë Korçë, u arrestua në flagrancë shtetasi E. J., 25 vjeç, banues në Korçë, pronar i lokalit. Ai akuzohet për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion të lokaleve për lojëra fati”.
Gjatë kontrollit, në lokal u sekuestruan pajisje elektronike për vendosjen e lojërave të fatit, disa bileta dhe një shumë parash, e dyshuar si përfitim nga kjo veprimtari.
Materialet procedurale janë referuar Prokurorisë së Korçës për veprime të mëtejshme.
