Fundjavë e zymtë për futbollin e qarkut të Korçës. Si Devolli ashtu edhe Maliqi kanë pësuar humbje në ndeshjet e kësaj jave, duke zbritur më tej në renditje dhe duke hyrë në një periudhë të vështirë rezultatesh.
Në Bilisht, Devolli u mund në shtëpi nga Butrinti me rezultatin 1-2, pavarësisht përpjekjeve për të rikthyer baraspeshën në pjesën e dytë. Ndërkohë në Maliq, skuadra vendase u dorëzua përballë Bylis B me shifrat minimale 0-1, në një ndeshje të luftuar, por pa efikasitet në sulm.
Të dyja skuadrat po kalojnë një moment të dobët formë, teksa mungesa e pikëve po rëndon mbi objektivat sezonalë. Trajnerët dhe drejtuesit kërkojnë rikthimin e menjëhershëm te rezultatet pozitive për të shmangur rënien në zonën e ftohtë të tabelës.
