Në prag të festave të fundvitit, shërbimet e Komisariatit të Policisë Maliq kanë intensifikuar kontrollet për parandalimin dhe ndalimin e tregtimit të kundërligjshëm të lëndëve piroteknike nga subjekte të paautorizuara.
Gjatë kontrolleve, u konstatua një market në qytetin e Maliqit, ku mbaheshin në mënyrë të paligjshme sasi lëndësh piroteknike, me qëllim tregtimin e tyre. Si rezultat, policia sekuestroi 48 kuti me lëndë piroteknike, që përmbanin gjithsej 2899 kapsolla.
Në vijim të veprimeve procedurale, u referuan materialet në Prokurori dhe nisi procedimi penal ndaj shtetases E. M., 43 vjeçe, banuese në Maliq, pronare e marketit.
Materialet procedurale iu referuan Prokurorisë së Korçës për veprime të mëtejshme.
