Nertil Jole ka kërkuar që takimet javore të përfaqësuesve të Partisë Socialiste me komunitetin të jenë një detyrim i padiskutueshëm për çdo të zgjedhur dhe funksionar publik, në zbatim të porosisë së kryeministrit për prani të vazhdueshme në territor.
Sipas tij, zhvillimi i takimeve të rregullta me qytetarët në të gjithë territorin përbën një normalitet dhe një traditë demokratike që duhej të kishte qenë prej kohësh normë e punës zyrtare. Jole ka nëvizuar se besimi i qytetarëve dhe përkushtimi i zyrtarëve sprovohet në komunikimin e përditshëm me komunitetin, veçanërisht në momentet kur mungon vëmendja e kamerave dhe mbulimi mediatik.
Më parë, mediat kanë raportuar gjithashtu për qëndrimet e tij kritike ndaj deputetëve të zonës lidhur me ecurinë dhe mënyrën e organizimit të takimeve me banorët e qarkut të Korçës.
