Pranvera ka trokitur dhe fshati piktoresk i Dardhës ka marrë nuancën e ngjyrave të natyrës.
Pemët kanë çelur lulet dhe lëshojnë aromën e tyre karakteristike. Bletët po punojnë në pjalmin e luleve të sapoçelura. Banorët e zonës po punojnë tokën dhe po bëjnë mbjelljet e para. E amvisat duararta po shtojnë lulet shumëngjyrëshe në oborrin e tyre.
Dardha është mahnitëse në çdo stinë, nga bardhësia sunduese e dimrit te gjelbërimi i lartë i verës, me ngjyrat e pafundme të pranverës e vjeshtës.
