Sherri mes Edmond Spahos dhe Ilir Demaliajt ka marrë mbrëmë një kthesë të papritur. Befas Edmond Spaho është tërhequr duke nxjerrë gruan e tij në fushën e betejës.
Zhburrërimi i Spahos ka ardhur pas pretendimit të Demaliajt se Spaho ka një dashnore në Maliq, të cilës i paguan dhe kredinë.
Një ditë pas këtij pretendimi ka ardhur dhe reagimi u bashkëshortes së Spahos, Egla Spaho, e cila është mjeke në QSUT. Ajo tregon për shkruan e saj dhe tregon për dashurinë e madhe për Mondin. Por ajo çka bie në sy është se statusin e shkruan vet deputeti Spaho, pasi vërehet dora dhe stili i tij. Me këtë lëvizje Spaho shpall kapitullimin dhe jep mesazhin se raporti i tij me bashkëshorten nuk lëkundet nga historia e pretenduar e Demaliajt.
Ja çfarë ka shkruar Egla Spaho në faqen e facebook të burrit të saj;
Mirëmbrëma Ilir Demalia!
Bashkë nuk njihemi. Në fakt të kam parë që del në TV.
Unë jam mjeke dhe rrallë përzihem me politikën. Lexova nxitimthi ç’kishe shkruar për bashkëshortin tim, Edmond Spaho, ashtu rrëmujshëm, dhe në fund erdhi surpriza.
M’u duke ekzakt si skenarët e filmave dhe librave të kohës së komunizmit, ku spiuni i lagjes të bënte imoral, me shkelje të renda të sjelljes etj. se kështu e donte partia.
E kam jetuar atë kohë, madje kam qenë e transferuar në rrethe. Familja ime ka qenë e kontrolluar dhe e survejuar nga sigurimi. Fatkeqësisht, për rregullat e komunizmit, ne ishim familje me nënë të huaj, bullgare. Nëna ime nuk i pa kurrë të afërmit e saj derisa vdiq. Kjo na e ka shtuar urrejtjen për sigurimin dhe komunizmin. Ne si familje kemi vuajtur kaq shumë sa kurrë nuk do na shuhet urrejtja për ju. Halla ime u vra në luftë për çlirimin e Shqipërisë, vajzë naive, 18 vjeçare por ju na luftuat si te ishim kriminelë.
Nuk më shqetësove fare me lajmin qe më dhe. E di pse? Sepse aq vite jetë, vështirësi që kemi kaluar bashkë me Edmondin, nuk i çbejnë shumë burra bashkë.Të bësh shpifje aq të ulëta, në këtë nivel, i bënin vetëm spiunët që ndanin familje të tëra në kohën e komunizmit.
Po ti mendon se po të kishte një gram të vërtetë do ta gjeje ti nga Amerika?E di çfarë? Po te jap një shans. Më gjej në fillim ato pronat që paskemi në Pogradec e në Korçë, pastaj flasim për E-në.
Dhe një fjalë për ju komentuesit histerikë që fërkuat duart. Në këtë histori vlen proverbi popullor “një budalla hedh një gur në lumë, e 100 të mençur se nxjerrin dot”.
Ah më falni që s’u prezantova. Jam bashkëshortja e Edmond Spahos.
