Kreu u SPAK Altin Dumani prej 3 javësh ka shtuar masat e sigurisë gjatë kohës që lëviz. Sipas të dhënave të siguruara ai po lëviz me mjet të blinduar dhe me roje të shtuar sigurie bashkë me një grup policor. Të gjitha këto masa të shtuara ngrenë dyshimet se Dumani ka frikë për jetën e tij dhe kjo për shkak të detyrës që ai kryen duke drejtuar SPAK. Edhe pse deri më sot nuk ka asgjë konkrete se kush po e rrezikom Dumanin, pak a shumë kuptohet, që grupet e organizuara kriminale e kanë nën shënjestër.
Në lidhje me këtë ka pasur edhe një prononcim të Ministrit Taulat Balla i cili tha teksa u pyet nëse ka ndryshuar plani i mbrojtjes fizike të kreut të SPAK dhe nëse ka pasur kërcënime, Balla sqaroi se nuk ka një kërkesë nga ana e Dumanit për masa dhe se nuk ka dijeni për kërcënime.
“Nuk dua që të hidhet diçka në media dhe pastaj kjo gjë bëhet pjesë e lajmit të ditës. E vërteta është krejtësisht ndryshe dhe dua të garantoj jo vetëm prokurorët e SPAK, gjyqtarët, por çdo qytetar se Policia e Shtetit është në detyrë për të garantuar që çdokush të jetë i sigurt.
Në këtë këndvështrim kam komunikuar me drejtorin e Policisë së Shtetit të cilit i kam kërkuar të marrë kontakt me z. Dumani për të garantuar që Policia e Shtetit të bëjë detyrën, sikurse ne synojmë të garantojmë sigurinë publike të çdo qytetari, kemi përgjegjësinë maksimale për të garantuar sigurinë maksimale të çdo zyrtari të këtij shteti”, tha Balla.
