Një aksident i rëndë automobilistik është shënuar mbrëmjen e së hënës në Mestre, një provincë e Venezia në Itali.
Një autobus me pasagjerë doli nga rruga dhe ra mbi shinat e një hekurudhe aty pranë.
Mediat italiane raportojnë se të paktën 21 persona kanë humbur jetën, 2 prej të cilëve fëmijë ndërsa 40 të tjerë janë plagosur.
Autobusi i kompanisë së transportit La Linea ra pranë shinave hekurudhore midis Mestre dhe Marghera ku mund të kishte edhe të mitur.
Bilanci i aksidentit në Mestre është 21 të vdekur, 12 të lënduar dhe disa të zhdukur, një numër që duhet të luhatet nga 4 deri në 5.
Ishte një autobus që u rrëzua nga një mbikalim në Mestre. Autobusi fluturoi rreth 10 metra. Aksidenti ndodhi pak para orës 20:00 në mbikalimin e rrugës lidhëse që të çon nga Mestre në drejtim të Marghera dhe autostradës A4. Në shtrirjen e parë tatëpjetë autobusi, për arsye që duhen konstatuar, ka thyer parapetin dhe është rrëzuar duke përfunduar mes një magazine dhe shinave të stacionit të Mestres, duke marrë flakë.
Disa nga viktimat e para të gjetura do të kishin vdekur të djegur, ndoshta do të kishte edhe të mitur.
“Të paktën njëzet të vdekur, një tragjedi e madhe. Autobusi i përfshirë në aksident po shkonte nga Venecia në Marghera, plot me njerëz që ktheheshin nga puna në shtëpi. Ai ka dalë plotësisht nga rruga dhe ka fluturuar nga ura. Ishte autobus, ishte autostradë. Jemi në zi, jam përpjekur t’ju jap informacionin që kam”, – është shprehur Kryebashkiaku Brugnaro.
Ambulanca të shumta shkuan në vendngjarje dhe u aktivizua protokolli për urgjencat e mëdha që përfshin vënien në dispozicion të të gjitha dhomave të urgjencës spitalore dhe thirrjen e personelit përforcues në punë.
Linja hekurudhore mes Mestres dhe Venecias u pezullua për shkak të aksidentit.
