Dy të plagosur në aksin rrugor Korçë – Maliq.
Ngjarja ka ndodhur në vendin e quajtur “Gryka e Pocestës” ku dy mjete janë përplasur e për pasojë dy persona kanë ngelur të lënduar.
Sipas policisë rrugore njeri nga mjetet ka qenë duke lëvizur nga një shesh pushimi në anë të rrugës për të kaluar në aksin nacional kur është përplasur nga një mjet me targa greke që po lëvizte në drejtim të Maliqit.
Goditja ka qenë e fortë aq sa mjeti me targa shqiptare ka bërë disa rrotullime në rrugë duke sjellë edhe plagosjen e dy shtetasve që ishin në mjetin që po lëvizte nga shesh pushimi në rrugën nacionale.
Sipas policisë mjeti që po lëvizte nga Kapshtica në drejtim të Maliqit ka qenë duke udhëtuar me shpejtësi tej normave të lejuara duke mosshamnguar dot përplasjen.
Policia në vendin e ngjarjes dhe po heton për shkaqet e këtij aksidenti.
Njoftimi i policisë;
Maliq/Informacion paraprak
Më datë 20.03.2024, rreth orës 13:50, në aksin rrugor “Korçë-Maliq”, në afërsi të fshatit Vloçisht, automjeti tip “Dacia” me drejtues shtetasin E. Ç., është përplasur me automjetin tip “Chevrolet” me drejtues shtetasin E. Ç. Për pasojë kanë marrë lëndime dy pasagjerët dhe drejtuesi i automjetit tip “Chevrolet”, të cilët u dërguan për mjekim në spital.
Grupi hetimor po punon për sqarimin e rrethanave të aksidentit.
