Qarku Korçë
Shërbimet e Policisë Kufitare në PKK Qafë Thanë ndaluan në hyrje, shtetasin P. K., 25 vjeç, banues në fshatin Spathar, Elbasan, pasi ishte shpallur në kërkim nga Komisariati i Policisë Nr. 4, për veprën penale “Vjedhja”.
Sektori i Policisë Rrugore arrestoi në flagrancë shtetasin B. T., 27 vjeç (me probleme të shëndetit mendor), pasi u kap në aksin “Pogradec-Korçë”, duke drejtuar pa leje drejtimi, një automjet të marrë me qira në mënyrë të parregullt.
Në vijim të informacionit paraprak të dhënë më datë 31.08.2024, për një aksident rrugor në fshatin Barçanj, Devoll, informojmë se Sektori i Policisë Rrugore arrestoi në flagrancë shtetasin I. Sh., 34 vjeç, banues në Barçanj, Devoll, për veprën penale “Drejtimi i automjetit në mënyrë të parregullt”.
Komisariati i Policisë Pogradec arrestoi në flagrancë shtetasin R. Ç., 29 vjeç, banues në Fshat Maliq, pasi ka thyer masën e sigurisë “Arrest në shtëpi”, për veprën penale “Ndihma për kalim të paligjshëm të kufijve”.
Po nga Sektori i Policisë Rrugore u referuan materialet në Prokurori, ku filloi procedimi në gjendje të lirë për shtetasit:
M. M., 42 vjeç, banues në Tiranë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”;
E. A., 49 vjeç, banuese në Korçë, pasi duke drejtuar automjetin tip “Skoda”, ka aksidentuar lehtë një shtetase të mitur, këmbësore.
Komisariati i Policisë Korçë referoi materialet në Prokurori, ku filloi procedimi në gjendje të lirë për shtetasin L. R., 50 vjeç, banues në Korçë, pasi duke fyer ish-bashkëshorten e tij, ka shkelur urdhrin e mbrojtjes të caktuar në favor të saj.
Komisariati i Policisë Ersekë referoi materialet në Prokurori, ku filloi procedimi ne gjendje të lirë për shtetasin K. Ç., 32 vjeç, banues në Leskovik, Kolonjë, pasi dyshohet se ka djegur një sasi bazë ushqimore për bagëtitë, në pronësi të një 48-vjeçari.
Komisariati i Policisë Devoll referoi materialet në Prokurori, ku filloi procedimi ne gjendje të lirë për shtetasin N. D., 53 vjeç, banues në fshatin Cangonj, Devoll, pasi dyshohet se pas një konflikti për motive pronësie, ka dhunuar kunatën e tij, e cila u pajis me urdhër mbrojtjeje.
Sektori për Hetimin e Krimeve Ekonomike dhe Financiare referoi materialet në Prokurori, ku filloi procedimi ne gjendje të lirë për shtetasin M. K., 28 vjeç, banues në Kavajë, pasi dyshohet se nëpërmjet mashtrimit, i ka marrë një shumë parash, një 25-vjeçareje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
