Një prind nga fshati Orman ka mbi 10 ditë që nuk po lidhet me djalin e tij 30 vjeçar. Ai jeton në Gjermani dhe prej ditësh nuk përgjigjet në telefon.
I shqetësuar prindi bën kallëzimin në polici me shpresën për të gjetur gjurmët e tij.
Njoftimi i policisë;
Drejtoria Vendore e Policisë Korçë
Më datë 14.05.2024, në Komisariatin e Policisë Maliq, ka kallëzuar shtetasi A. R., banues në fshatin Orman, se prej 10 ditësh ka humbur kontaktet me djalin e tij, shtetasin E. R., 30 vjeç, i cili jeton në Gjermani. Po punohet për lokalizimin e 30-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
