Ledina Alolli, kandidate e koalicionit “Bashkë Fitojmë” për bashkinë e Korçës u shpreh se për vendimmarrjen e saj pas 14 Majit do të aplikohen referendumet.
Në “Çim Peka Live”, Alolli tha se edhe vendimi për kullën në qendër të Korçës do ta marrin qytetarët.
“Ledina Alolli nesër si kryetare e bashkisë së Korçës nuk i merr e vetme vendimet por do të jenë qytetarët. Ata do të marrin çdo vendim, qoftë edhe për kullën e Korçës. Dhe ajo që dua të theksoj është se modeli që do të sjellim ne nesër do të jetë i ndryshëm nga aktuali se Korça do t’u kthehet qytetarëve, vendimmarrja do t’u kthehet qytetarëve. Të gjitha vendimet do të jenë të qytetarëve dhe në interes të tyre.
Kjo kullë ka kushtuar 370 mln lekë të reja. Këto para mund të ishin përdorur për të termoizoluar pallatet e Korçës. Me këto shifra mund të ishin termoizoluar 63 pallate në Korçë”, tha Alolli.
