Në ditët e ftohta të çdo 6 janari, banorët e Polenës presin të dëgjojnë poteren e këmborëve të Arapëve. Kështu ka ndodhur që në lashtësi në këtë fshat 5 km larg qytetit të Korçës. Një traditë e hershme pagane e njohur si karnavalet ose rrogeçët.
Në qendër të fshatit mblidhen të gjithë banorët për të ndjekur ritualin që nuk dihet ende zanafilla. Në karnavalet e Polenës ka arapë, nuse, dhëndër, dasmorë e kapedanë, arabë, indianë e romë.
Ilia Kostandini, një njohës i traditës të zonës tregon se këto karnavale kanë një histori 300 vjeçare e cila vazhdon ende të ruhet me fanatizëm dhe sot.
Veshjet e frikshme të përdorura nga banorët “kërkojnë” të largojnë të keqen ndërsa kjo iniciativë mbahet gjallë vetëm nga banorët e zonës, pa mbështetjen e institucioneve.
