Rreziku për zjarre në Shqipëri mbetet në nivele të larta edhe gjatë ditës së hënë, si pasojë e temperaturave të larta dhe mungesës së reshjeve në të gjithë territorin.
Harta e rrezikut sipas qarqeve
Sipas parashikimeve të fundit, niveli i rrezikut vlerësohet “i lartë” në një pjesë të konsiderueshme të vendit. Konkretisht, ky nivel rreziku pritet të prekë qarqet Durrës, Tiranë, Elbasan, Fier, Berat, Vlorë dhe Gjirokastër.
Ndërkohë, parashikimet tregojnë se edhe zona të tjera të vendit mbeten të rrezikuara nga zjarret. Në qarqet Shkodër, Kukës, Dibër, Lezhë dhe Korçë parashikohet gjithashtu një nivel rreziku për shfaqjen e vatrave, duke bërë të domosdoshëm kujdesin e shtuar gjatë kësaj periudhe të thatë.
Foto: BalkanWeb
