Kolumbiani Lucho Vasquez është futbollisti më i ri që i bashkohet skuadrës së trajnerit Ivan Gvozdenoviç.
21 vjeçari së fundmi ka qenë pjesë e ekipit të njohur austriak të Salzburg ndërkohë që mësohet se për Skënderbeun ka firmosur për 3 sezone.
Largimi i Dounfur e ka detyruar klubin korçar të kërkojë një lojtar tjetër për repartin difensiv por duket se edhe për kryepankinen korçare kolumbiani është parë më i përshtatshmi.
Me Lucho Vasquez shkon në 5 numri i futbollistëve që vishen bardhekuq për këtë sezon, lojtarë të cilët janë të reparteve të ndryshme
Burime të siguruara thanë se merkatoja për Skënderbeun nuk mbyllet këtu, madje as ajo në dalje pasi kërkesat për Liço e Nikaj janë të shumta por Takaj nuk nxitohet për sa kohë ofertat nuk janë bindëse për të dy lojtarët
