Qendra për Hapje dhe Dialog në Korçë ka organizuar një tjetër aktivitet si pjesë e ciklit “Shprehur në vargje”, i cili kësaj here erdhi në kuadër të 89-vjetorit të lindjes së gjeniut të letrave shqipe Ismail Kadare.
Mes interpretimeve të poezive dhe pjesëve letrare të Kadaresë nxënësit e Shkollës 9-vjeçare “Mësonjëtorja e parë shqipe” sollën një atmosferë të bukur tek Biblioteka “Thimi Mitko” në Korçë. Pjesë e këtij aktiviteti ka qenë edhe një ekspozitë me piktura të realizuara nga vetë nxënësit.
Aktiviteti është vlerësuar edhe nga nxënësit pjesmarrës, të cilët kishin përzgjedhur disa nga veprat më të njohura të Kadaresë për të iterpretuar.
Ky aktivitet kushtuar 89-vjetorit të lindjes së korifeut të letërsisë shqiptare Ismail Kadare, ka patur si qëllim të nxjerrë në pah ndikimin e Kadaresë në kulturën botërore dhe rëndësinë e tij për letërsinë shqiptare.
