Drejtoria Vendore e Policisë Korçë bën me dije se vijojnë veprimet ligjore ndaj disa shtetasve të përfshirë në shkelje të ndryshme.
Specialistët e Sektorit të Qarkullimit Rrugor arrestuan në flagrancë shtetasin V. K., 25 vjeç, banues në Drenovë, pasi u kap duke drejtuar automjetin pa leje drejtimi.
Ndërkohë, nisi procedimi penal për shtetasin F. P., 42 vjeç, banues në Sul, pasi në aksin rrugor “Korçë-Devoll”, automjeti që drejtonte u përplas me automjetin që drejtohej nga shtetasi A. J., 46 vjeç. Si pasojë, ka mbetur e dëmtuar lehtë pasagjerja që ndodhej në mjetin e drejtuar nga A. J.
Gjithashtu, Specialistët për Hetimin e Krimeve të Komisariatit të Policisë Kolonjë kanë referuar materialet në Prokurori dhe kanë nisur procedim penal për shtetasin H. D., 25 vjeç, banues në Selenicë, i dyshuar se më datë 23.06.2025, në fshatin Selenicë, ka aksidentuar lehtë një këmbësore dhe është larguar nga vendngjarja. Policia po punon për kapjen e tij.
Po ashtu, materialet procedurale janë referuar në Prokurori, pasi shtetasi S. Q., 22 vjeç, banues në Fier, kallëzoi se më datë 01.07.2025, në qytetin e Leskovikut, ka gjetur të dëmtuar xhamin e pasmë të automjetit të tij.
Materialet procedurale janë dërguar në Prokurori pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
