Arrestohet 37-vjeçari nga Tirana, shkaktoi aksident në Voskopojë
Policia ka arrestuar në flagrancë shtetasin E. H., 37 vjeç, banues në Tiranë, si autor të një aksidenti të ndodhur në fshatin Voskopojë. Ngjarja shkaktoi dëmtime për drejtuesin e motomjetit dhe një pasagjere, të cilët vijojnë të jenë në kujdesin e mjekëve.
Për këtë rast, janë referuar materialet në Prokurori edhe për dy persona të tjerë:
•J. H., 50 vjeç, i cili dyshohet se largoi motomjetin nga vendi i aksidentit.
•A. B., 30 vjeç, që i dha me qira motomjetin shtetasit E. H., pa dokumentacionin e nevojshëm dhe pa lëshuar kupon tatimor.
Motomjeti i përfshirë në aksident u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
