Kapet në Kapshticë një 28-vjeçar sirian duke ndihmuar emigrantë egjiptianë të kalojnë kufirin ilegalisht
Shërbimet e Policisë Kufitare në Kapshticë kanë arrestuar në flagrancë një shtetas sirian, i cili dyshohet se po ndihmonte tre emigrantë egjiptianë për të kaluar kufirin në mënyrë të paligjshme.
Sipas njoftimit të Policisë, specialistët për Hetimin e Krimeve të Drejtorisë Vendore të Kufirit dhe Migracionit Korçë kanë ndaluar shtetasin F. M., 28 vjeç, me kombësi siriane, në fshatin Kapshticë. Ai u kap duke shoqëruar tre shtetas egjiptianë, të cilët dyshohet se po tentonin të kalonin kufirin në mënyrë të kundërligjshme.
Policia po vijon hetimet për të zbardhur plotësisht rrethanat e rastit dhe për të identifikuar persona të tjerë të përfshirë.
Ndërkohë, materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
Njoftimi i policisë;
Specialistët për Hetimin e Krimeve të Drejtorisë Vendore të Kufirit dhe Migracionit Korçë arrestuan në flagrancë shtetasin sirian F. M., 28 vjeç, pasi është kapur nga shërbimet e Policisë Kufitare, në fshatin Kapshticë, duke shoqëruar 3 shtetas egjiptianë, të cilët dyshohet se i ka ndihmuar për të kaluar kufirin, në mënyrë të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
