Papa Francesku të parën vizitë jashtë Vatikanit e kreu në Shqipëri, duke forcuar kështu lidhjet jo vetëm me kombin por edhe besimet e tjera fetare të vendit tonë
Një përfaqësi e klerikëve të Korçës vizituan Papën në vitin 2023, duke i dhuruar edhe dy dhurata shumë të veçanta
Një nga klerikët që pati mundësi të diskutonte me Papën tregon eksperiencën e tij personale
Atë Vangjeli
Sinkron
“Në vitin 2023 sëbashku me një grup klerikësh të qytetit të Korçës ne patëm një vizitë në Romë, konkretisht në Vatikan ku patëm mundësinë për të takuar edhe Papën. Përgatitëm dy dhurata, njëra ishte një flamur kombëtar me një mbishkrim në shqip dhe latinisht “Të gjithë vëllezër” por dhe një bastun që kishte të gdhendur kokën e shqiponjës dy krenare. Ishin dhurata simbolike por shumë kuptimplota për çfarë ne donim të çonim atje.
Por si reagoi Papa Francesku përballë flamurit shqiptar e çfarë u tha klerikëve të juglindjes?
“Gjëja që na ka thënë e që mua më ka mbetur në mendje ishte kjo “mbrojeni, mbrojeni se kjo është thesari juaj” ka qenë një moment i jashtëzakonshëm, mënyra se si ai na inkurajoi të gjithëve ne klerikët për atë çfarë duhet të bënim mbi atë që ne i kishim sjellë si dhuratë”
Për klerikun ortodoks, Papa Francesku la një trashëgimi të gjallë të mënyrës sesi duhen trajtuar njerëzit e të gjithë llojeve
“Ai ishte një nga zërat më të fuqishëm dhe më të drejtpërdrejtë në situatën ku është sot bota, zëra të tillë janë jashtëzakonisht të rëndësishëm dhe besoj që ky zë dhe të shpresojmë se asgjë nul humbet te Zoti, por të shpresojmë që kushdo që do të jetë, të jetë një zë i fuqishëm për harmoninë, për paqen, për dashurinë dhe unitetin midis njerzve”.
Në kishën katolike të Korçës pritet që të mbahet dhe mesha në përkujtim të Papa Franceskut, ku besimtarët do të luten për të dhe për një Papë të ri të denjë
