Një zjarr i rënë pranë zonës së Manastirit në Sarandë ka shkaktuar ndërprerjen e përkohshme të energjisë elektrike në zonën përreth si dhe në një pjesë të Ksamilit.
Sipas njoftimit zyrtar për abonentët, ndërprerja e furnizimit u krye nga OSSH me kërkesë të shërbimeve zjarrfikëse për rreth 10 minuta. Ky veprim u ndërmor si masë sigurie për të parandaluar dëmtimet e mëtejshme të rrjetit elektrik dhe për t’u krijuar hapësirën e nevojshme ekipeve të ndërhyrjes për shuarjen e flakëve.
Normalizohet furnizimi me energji elektrike
Pas ndërhyrjes së shërbimeve zjarrfikëse, situata në terren është normalizuar plotësisht. Furnizimi me energji elektrike për të gjithë abonentët e prekur është rikthyer tashmë në gjendje normale.
