Shoqata e motoristëve gjermanë ka sjellë 9 kamionë ndihma për komunitetin e bashkisë së Pogradecit.
Bëhet fjalë për pajisje shkollore dhe mjekësore të cilat kësaj radhe janë dhuruar shkollave dhe qendrave shëndetësore të fshatrave të Pogradecit.
Juljana Dita, shqiptaro-gjermania tregon se për herë të dytë kjo shoqatë sjell ndihma të ndryshme, të dhuruara nga vet gjermanët.
“Jane 9 kamionë si fillim akomodohen në magazina, shpërndahen në shkolla të Mokres edhe në Pogradec. Në Gjermani, ne zonën e Bremen, spitalet dhe të gjitha janë donacione. Sigurisht, presidenti është i lidhur me shkolla e spitale, krijon kontaktet dhe janë të gatshëm për të dhuruar “
Ambasadori gjerman Kalr Bergner tha se krahas bashkëpunimit të shoqërive civile me qytetin e Pogradecit, ka një bashkëpunim edhe të strukturave qeveritare.
“Krahas këtij bashkëpunimi në nivel të shoqërisë civile, në qytetin e Pogradecit kemi edhe një bashkëpunim për zhvillim që organizohet përmes strukturave qeveritare, sikundër është bashkëpunimi në sektorin e ujësjellës-kanalizimeve, të zhvillimit të sektorit të turizmit, meqënëse jemi pikërisht këtu në sfond me liqenin e mrekullueshëm të Pogradecit. ”
Hannes Nielsen tregon se dashamirësia gjermane ka qenë e madhe dhe e shumëaneshme për të ndihmuar banorët e Pogradecit.
“Ne kishim në zemër për të ndihmuar përsëri banorët e Pogradecit dhe nisem para 6 muajsh fushatën e kërkimit të ndihmave por nuk zgjati shumë sepse gjermanët ishin të gjithë të gatshëm për të ndihmuar. Ndihmat do të shkojnë për gjithë grupmoshat dhe patjetër që ne mendojmë të rikthehemi përsëri, mbase edhe si turistë, ne e duam këtë vend”.
Motoristet gjermane dhe ata pogradecare pas shpërndarjes së ndihmave për banoret e këtij qyteti kanë dhuruar një spektakël me motora, duke tërhequr vëmendjen jo vetëm të banorëve por dhe atyre që kishin ardhur për të vizituar këtë qytet.
“Janë 10 motoriste që kanë ardhur në Shqipëri, shoqërojnë kamionët. Atë nuk e di kush e ka thënë, në intervista them që Pogradeci nuk është qytet pleqsh, kanë performuar këngëtarët më të famshëm, jo vetëm motora, spektaklet me ujëserfing, motorcroos.” – tha Drita Hoxha.
Ky është viti i dytë që shoqata e motoristëve gjermanë sjell ndihma të ndryshme për banorët e bashkisë së Pogradecit
