Bashkia e Kolonjës do të ofrojë mbështetje për rikonstruksionin e banesave të cilat u dëmtuan para disa ditësh nga stuhia e madhe që ndodhi.
Bashkia e Kolonjës synon të ndërhyjë në tre banesat e ndodhura në fshatin Kamnik të cilat u dëmtuan rëndë nga rreshjet dhe era e fortë e disa ditëve më parë.
Pas vlerësimit të situatës dhe evidentimit të dëmeve kryebashkiaku i Kolonjës Erion Isai thotë se do të aplikohet në janar pranë Ministrisë së Financave për rikonstruksionin e këtyre shtëpive, ndërsa familjet që tashmë kanë mbetur të pastreha do të mbështeten nga bashkia sipas ligjit në fuqi.
Nga stuhia e disa ditëve më parë janë dëmtuar edhe disa shkolla, për të cilat është duke u vlerësuar nëse do të gjendet një tjetër ambjent për të funksionuar si shkollë apo do të shpërngulen nxënësit në shkolla të tjera.
Stuhia e disa ditëve më parë ka sjellë erë të fortë në grykën e lumit të Langaricës e cila zgjati gati një orë. Pikërisht në këtë zonë në fshatrat Kamnik dhe Barmash janë evidentuar edhe dëmet më të mëdha.
