Biblioteka e fëmijëve Thoma Turtulli në qytetin e Korçës do i nënshtrohet një rikonstruksioni të plotë. Lajmi është bërë i ditur nga kryebashkiaku Sotiraq Filo, i cili tha se kjo bibliotekë do të kthehet në një hapësirë ku përtej leximit të librit fizikisht, fëmijët e moshave nga 8-15 vjeç do të kenë mundësi të ndjekin kurse të ndryshme në lidhje me teknologjinë.
Godina e bibliotekës Thoma Turtulli i është dhuruar qytetit në vitin 1930 nga filantropi me të njëjtin emër.
Me vëmendjen që tashmë kjo godinë do të marrë nga bashkia e Korçës, pritet që të kthehet edhe njëherë në një pikë referimi të rëndësishme për fëmijët korçarë.
